ОН: На 26.000 деца во Газа им е потребно лечење за акутна неухранетост

УНИЦЕФ соопшти дека на повеќе од 10.000 деца во Газа им е потребен третман за акутна неухранетост, според „Тајмс оф Израел“.

„Масовното раселување на семејствата од Газа претставува смртоносна закана за најранливите“, изјави Тес Инграм, портпаролка на УНИЦЕФ во хуманитарната зона Ал-Маваси во јужна Газа.

Во разговор со новинарите на телевизискиот брифинг на ОН во Женева, Инграм предупреди за влошување на стапките на неухранетост кај децата. „Проценуваме дека 26.000 деца во Појасот Газа моментално имаат потреба од третман за акутна неухранетост, вклучувајќи повеќе од 10.000 само во Газа“, рече таа.

Таа објасни дека во август, повеќе од едно од осум деца прегледани во Појасот Газа биле акутно неухранети, „највисоко ниво досега забележано“.

Во градот Газа, стапката била едно од пет, објави „Тајмс оф Израел“.

Центрите за храна во градот Газа „беа принудени да се затворат оваа недела поради наредби за евакуација и воена ескалација“, додаде Инграм.

Израел ги оспорува тврдењата за глад во Појасот, а ИДФ вели дека оние што се евакуираат на југ кон областа Ал-Маваси ќе најдат храна, шатори и лекови таму.

Израел продолжува да го повикува цивилното население во градот Газа да се евакуира во безбедна зона, проценувајќи дека околу 40% од еден милион жители досега заминале. Сепак, претставници на Обединетите нации го проценуваат бројот на околу 150.000.

фото: принтскрин

Текстот ОН: На 26.000 деца во Газа им е потребно лечење за акутна неухранетост е превземен од МАКФАКС.