Опсада во Загреб, антитерористички единици во зградата во која живее Колинда Грабар Китаровиќ

Загрепската полиција добила дојава дека лице кое сака да се убие се наоѓа во зградата во која живее поранешната хрватска претседателка, пренесуваат локалните медиуми.

Две антитерористички единици, тешко вооружени и со кучиња, влегле во зградата, пишува „24сата.хр“ и додава дека на терен се најмалку 10 возила, односно дека местото е полно со полиција.

Според еден читател, по друхите околни згради биле распоредени и снајперисти.

Хрватските медиуми дошле и до сознанија дека поранешната хрватска претседателка во моментов не е во зградата, бидејќи волонтира во Петриња, град кок изминатиот период беше погоден од серија земјотреси.