пред 4 години Ерменскиот премиер Никола Пашинијан изјави дека Ерменија и непризнатиот регион Нагорно-Карабах се последните пречки на патот на експанзионизмот на Анкара.
„Доколку меѓународната заедница не интервенира итно, наскоро ќе ги види Турците пред портите на Виена, како во 17. век“, рече Пашинијан во интервју објавено на веб-страницата на ерменската влада.
Според него, меѓународната јавност сфатила и признала дека Турција префрлила борци од Сирија во зоната на конфликти во Нагорно-Карабах, со цел да му помогне на Азербејџан, пренесува „Спутник“.
„Од таа причина, по целата линија на фронтот, се води борба против тероризмот, каде што цивилизацијата се спротивставува на варварството. Неопходно е да се разбере заканата што ја претставуваат џихадистите кои се наоѓаат во зоната на воени операции“, истакна Пашинијан.
Тој додаде дека опцијата да се елиминира таа закана е меѓународната заедница и европските земји да ја признаат независноста на Нагорно-Карабах.
Обединетите нации денеска изразија надеж дека состанокот на министрите за надворешни работи на Русија, Ерменија и Азербејџан во Москва ќе доведе до прекин на воените дејствија во Нагорно-Карабах.
Подготовките за тие разговори се во тек, откако денеска рускиот претседател Владимир Путин ги покани претставниците на двете земји да дојдат во Русија на консултации за состојбата.
Би можело да ве интересира
Рама телефонски разговарал со Зеленски
Русите од Донбас во солзи – не гранатираат секој ден, нашите деца плачат
Велика Британија прими околу 30 ЛГБТ Авганистанци, тие се плашат да се вратат во земјата
Европската агенција за лекови тврди дека вакцината на „Астразенека“ нема поврзаност со случаите на згрутчување на крвта
Бродот што потона во Турција не бил руски туку украински, загинаа најмалку 4 лица
Техеран бара од ОН да го осудат убиството на нуклеарниот научник
