Пекол на улиците на Украина: Некои бегаат од земјата, други копаат по урнатините и тагуваат

пред 3 години

Животите на обичните луѓе во Украина се претворија во пекол, пишуваат дописниците на светските медиуми.

Опишуваат дека звукот од пукотници одекнува во главниот град на Украина, Киев, додека руските тенкови се снимени како за првпат влегуваат во градот.

Министерството за одбрана на Украина ги повика оние кои живеат во северните предградија на Киев, Облонск – каде што се снимени тенковите – да направат запаливи бомби за да го неутрализираат непријателот, пренесуваат медиумите.

Анализираат дека во текот на втората ноќ од нападот, градот беше погоден од експлозии, оштетен е најмалку еден станбен блок, а има и мртви меѓу цивилите.

Градските власти им порачаа на граѓаните во северната област Оболонск да останат дома за да избегнат активни воени операции.

На својата страница на Фејсбук во петокот, Министерството за одбрана апелираше до жителите на округот да се информираат за движењето на војниците, да направат молотови коктели и да го неутрализираат непријателот.

Бројни семејства беа засолнети во метро станиците во Киев во текот на ноќта додека се изведуваа воздушните напади врз градот.

„Путин, сакаме да те видиме заклан како животно“, изјавил жител на Киев за Би-Би-Си.

„Како е можно сега да го доживуваме ова?“, вели Оксана Ѓуленко чистејќи го скршеното стакло од експлозија.

„Што да мислиме? Путин треба да биде изгорен во пеколот“, изјавила таа, пренесуваат светските медиуми.

Додаваат дека некои Украинци ги пребаруваат урнатините, додека други тагуваат.

Во пристанишниот град Мариупољ, една млада девојка по име Влада посакува да престане нападот.

„Не сакам да умрам. Сакам сето ова да заврши што е можно поскоро“, вели таа.

Share