Пожар на Клиниката за психијатрија во Бања Лука, шестмина повредени

Шест лица се повредени во пожарот што рано утринава избувна на Клиниката за психијатрија во Бања Лука, соопшти градската полиција.

Пожарот избувнал половина час по полноќ, а шестмина повредени добиле помош во Универзитетскиот клинички центар на Република Српска.

Пожарникарите го локализираа пожарот, а Окружното јавно обвинителство на Бањалука нареди истрага, изјавија тамошните власти.

„Во полициската управа околу 00.40 часот е пријавено дека на улица „Мачванска“ во просториите на Клиниката за психијатрија избувнал пожар. Пожарот бил локализиран од вработени и припадници на Противпожарната бригада на град Бања Лука. Шест лица се повредени на кои им е укажана лекарска помош во УКЦ РС“, велат од полицијата.

Извршена е истрага, а за се е известен и дежурниот обвинител на Бања Лука, кој нареди да се преземат сите неопходни мерки и дејствија за утврдување на околностите на пожарот.

Текстот Пожар на Клиниката за психијатрија во Бања Лука, шестмина повредени е превземен од МАКФАКС.