пред 2 години Полскиот вицепремиер и лидер на владејачката конзервативна партија Право и правда (ПиС) Јарослав Качински ја обвини новата германска влада дека сака да ја претвори ЕУ во „Четврти Рајх“.
Други лидери на „ПиС“ неодамна ја употребија истата фраза за да ги опишат намерите на новата берлинска централно-левичарска коалициона влада кон Европа.
Во договорот постигнат од трите партии за формирање на германската владејачка коалиција се наведува дека нејзината крајна цел е федерална европска држава.
Тој аспект од договорот го осуди полската влада на „ПиС“, а Качински дури тврдеше дека таквата состојба на работите ќе и го одземе Полска правото на самоопределување.
Полскиот премиер Матеуш Моравјецки ја искористи недамнешната посета на германскиот канцелар Олаф Шолц во Варшава за да ги критикува аспирациите на коалициската влада за ЕУ, користејќи и термини поврзани со Третиот рајх.
Полската влада е во конфликт со Европската комисија околу реструктуирањето на судството во земјата, за кое ЕУ смета дека ги политизира судиите.
Европската комисија веќе покрена неколку тужби против Варшава поради судските реформи, а поднесе и тужби до Европскиот суд на правдата, што предизвика длабок јаз меѓу Варшава и Брисел.
Би можело да ве интересира
Кличко: Бројот на луѓе во градот драстично се намали, половина од жените и децата го напуштија Киев
Борис Џонсон и Олаф Шолц се залагаат за јасна порака до Русија, но и дијалог
Британскиот министер за здравство снимен како ја бакнува колешката: „Се извинувам што ги прекршив мерките“
Палмер: Земјите од Западен Балкан треба да бидат во НАТО и ЕУ
(Видео) „Гори“ Триполи – над 350 лица повредени во судирите меѓу полицијата и демонстрантите
(Видео) Експлодираше прототип на ракетата на Илон Маск
