Поранешен руски премиер: Ова е почеток на крајот на Путин

Првиот премиер под лидерство на Владимир Путин рече дека денешниот говор по повод Денот на победата покажал оти рускиот претседател е свесен дека неговата војна пропаѓа.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

Поранешниот руски премиер Михаил Касјанов изјави дека Путин сега е во неволја и дека ова е, како што рече, почеток на крајот на ерата на Путин.

Тој во интервју за „Скај њуз“ рече дека рускиот претседател бил заведен и дека не очекувал толку висок отпор од Украина.
Поранешниот премиер, кој претходно се изјасни против војната, рече дека Путин го украл Денот на победата од Русија, создавајќи инструмент за пропаганда.

Тој рече дека тоа што денеска не е објавена победа значи дека руските сили губат сила. Во меѓувреме, друг поранешен руски политичар, исто така, сугерираше дека Путин може да биде сменет.

Генадиј Гудков, поранешен член на либералната опозиција во егзил, на „Твитер“ напиша: „Путин повторуваше цитати од фиока без да се осмели да каже нешто посериозно. Значи, Кремљ веќе нема никакви трикови. Сега поразот на Путин е прашање на време“.

Путин, пак, денеска изјави дека нема сомнеж оти специјалната воена операција на Москва во Украина ќе го постигне својот резултат, пренесе руската државна новинска агенција ТАСС.

„Сите наши планови се реализираат. Резултатот ќе биде постигнат – во тоа нема сомнеж“, рече Путин.