Потпретседателката на САД денеска ќе се сретне со претседателот на Украина

Потпретседателката на САД Камала Харис денеска во Минхен ќе се сретне со претседателот на Украина Володимир Зеленски.

Се очекува Харис да ја предупреди Русија дека инвазијата најверојатно ќе доведе до уште поголемо присуство на НАТО на нејзиниот праг и дека ќе се соочи со огромни финансиски трошоци доколку ја нападне Украина, изјави висок претставник на американската администрација.

Тој додаде дека пораката на Харис ќе стави до знаење дека САД остануваат отворени за дипломатија.

Харис вчера се сретна со генералниот секретар на НАТО, Јенс Столтенберг и со лидерите на трите балтички земји и рече дека Русија мора да покаже дека е отворена за дипломатија, предупредувајќи ја Москва на страшните последици доколку ја нападне Украина.

Зборувајќи подоцна во текот на денот, американскиот претседател Џо Бајден рече дека Путин одлучил да ја нападне Украина и продолжи да шири, како што рече, „лажни информации“ како изговор за воен удар што може да се случи за неколку дена.

Русија, на која и беше кажано да не планира инвазија, сака да го спречи Киев да влезе во НАТО и го обвинува Западот за хистерија.

Руското Министерство за одбрана вчера соопшти дека Путин ќе ги надгледува руските нуклеарни вежби кои вклучуваат лансирање на балистички и крстаречки ракети.

Висок претставник на американската администрација ја нарече одлуката „ескалирачка“.

As of this morning’s guidance, VP Harris is still expected to meet with Ukrainian President Zelensky today in Munich. Biden warned yesterday that Putin had decided to invade Ukraine pic.twitter.com/PX4HzNSEey

— Katherine Doyle (@katiadoyl) February 19, 2022