Предупредување од Белата куќа: „Ако Иран не го прифати поразот, Трамп ќе ги отвори „портите на пеколот“

За време на редовната прес-конференција во Белата куќа, портпаролката Каролин Ливит изјави дека претседателот Доналд Трамп „сака мир во Иран“, а ако Иран не го прифати фактот дека е поразен, тој ќе се погрижи „тие да бидат погодени посилно од кога било досега“.

„Претседателот Трамп не блефира и е подготвен да ги отвори портите на пеколот. Иран не треба повторно да процени погрешно“, нагласи Ливит.

Портпаролката додаде дека „најновата погрешна пресметка го чинеше Иран губење на неговото високо раководство, неговата морнарица, неговите воздухопловни сили и неговиот систем за воздушна одбрана“.

„Секое насилство по овој момент ќе биде затоа што иранскиот режим одбил да ја разбере состојбата во која се наоѓа“, рече таа.

Текстот Предупредување од Белата куќа: „Ако Иран не го прифати поразот, Трамп ќе ги отвори „портите на пеколот“ е превземен од МАКФАКС.