Претседателот на Бразил ја спореди војната во Газа со холокаустот, Израел бесно одговори

Израел го обвини бразилскиот претседател Луис Инасио Лула да Силва за банализирање на холокаустот и навреда на еврејскиот народ, откако ја спореди израелската војна против Хамас во Газа со нацистичкиот геноцид во Втората светска војна.

„Она што се случува во Појасот Газа со палестинскиот народ нема споредба со другите историски моменти. Всушност, тоа постоело кога Хитлер одлучил да ги убие Евреите“, изјави Лула за новинарите на 37. самит на Африканската унија во Адис Абеба.

Министерството за надворешни работи во Ерусалим соопшти дека ќе го повика бразилскиот амбасадор на разговор и ќе го опомени за изјавите кои израелскиот премиер Бенјамин Нетанјаху ги опиша како „срамни и сериозни“.

„Ова е банализирање на холокаустот и обид за напад на еврејскиот народ и правото на Израел на самоодбрана. Споредувањето на Израел со нацистите и Хитлер значи преминување на црвената линија“, рече Нетанјаху во изјавата.

Текстот Претседателот на Бразил ја спореди војната во Газа со холокаустот, Израел бесно одговори е превземен од МАКФАКС.