Путин: За разлика од некои, Русија нема да оди низ светот барајќи милостина

Рускиот претседател Владимир Путин денес изјави дека Русија нема да оди низ светот барајќи „милостина“. На првата седница на новоизбраната Државна дума во Москва, тој ги повика пратениците тесно да соработуваат со владата за да обезбедат правни основи за понатамошен економски развој.

„Русија, за разлика од некои други – ние нема да покажуваме со прст – не може да се понижува, да трча низ светот и да бара милостина со испружени раце“, рече Путин во изјава што очигледно се однесуваше на Украина, пренесуваат медиумите.

Путин потврди дека рускиот финансиски систем и економија функционираат стабилно и ги повика службениците да избегнуваат грешки во справувањето со економските предизвици.

„Рускиот финансиски систем и економија работат безбедно. Најважно е да не се прават грешки и одговорно да се пристапи кон решавање на задачите во овие исклучително важни области“, рече тој.

Украина, од друга страна, продолжува во голема мера да се потпира на надворешна финансиска поддршка за покривање на својот воен буџет и одбранбените потреби. Киев побара дополнителни 27 милијарди долари за 2026 година. Меѓународниот монетарен фонд соопшти дека продолжувањето на предвидливата надворешна поддршка е клучно за одржување на макроекономската стабилност на Украина и финансирање на буџетот.

Текстот Путин: За разлика од некои, Русија нема да оди низ светот барајќи милостина е превземен од МАКФАКС.