Путин: На ​​Запад инфлацијата ја нарекуваат со моето име

Рускиот претседател, Владимир Путин, денеска изјави дека Западот веќе ја нарекува инфлацијата по него и додаде дека растот на цените во западните земји е резултат на нивните грешки и тоа, како што кажа, долгорочни.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

„Ако некој се обиде нас да ограничи на некој начин – се ограничува себеси. Тие се обидуваат, условно, да го ограничат извозот на нашето ѓубриво, а нивните цени скокнаа повеќе од нашите. Се обидуваат да ги ограничат нашите енергенси – цените повторно вртоглаво пораснаа. Таму веќе ја нарекуваат инфлацијата со моето име, а ние немаме апсолутно никаква врска со тоа“, рече рускиот претседател, а пренесе „Спутник“.

Тој додаде и дека без суверени одлуки една држава не може да опстане.

Според Путин, ако една држава не е способна да носи суверени одлуки, тогаш таа е колонизирана и нејзините шанси да преживее во ваква жестока геополитичка борба практично не постојат.