Путин се ревакцинира против коронавирусот

Рускиот претседател, Владимир Путин, изјави дека е ревакциниран против коронавирусот со вакцината „спутник лајт“.

„Денеска по ваша препорака и препорака од вашите колеги примив уште една вакцина – ‘спутник лајт’“, рече Путин на средбата со Денис Логунов, заменик директор на Институтот за епидемиологија и микробиологија „Гамалеја“.

Путин изјавил дека се чувствува добро по вакцинацијата, пренесоа руските агенции.

Рускиот претседател во јуни годинава соопшти дека ја примил вакцината „спутник в“, потсетува „Ројтерс“.