Путин: Ситуацијата во Пацификот не е едноставна

Рускиот претседател Владимир Путин учествуваше во вежбите на Тихоокеанската флота и одржа состанок посветен на безбедноста на источните граници на земјата. Средбата се одржа на ракетниот крстосувач „Варјаг“ во Јужно-Сахалинск, пренесува ТАСС.

Да се обезбедат сите граници
Путин разговараше со командантот на Тихоокеанската флота Виктор Лиин, началникот на граничниот оддел на ФСБ за регионот Сахалин Сергеј Махори и вршителот на должноста командант на 68-от армиски корпус Алексеј Шведов.

„Јасно е дека денес, за време на специјалната воена операција, се решаваат клучни прашања, но наша должност е да ја обезбедиме безбедноста на руската држава на сите нејзини граници, во сите региони“, рече претседателот.

Се бараат нови предлози
Путин оцени дека ситуацијата во оперативната зона на Тихоокеанската флота „не е едноставна“.

„Вчера, командантот на флотата ја презентираше својата проценка за ситуацијата во регионот и јас целосно се согласувам со неа. Денес сакам да ги слушнам вашите предлози за тоа што друго можеме да направиме за да ги постигнеме нашите цели што е можно поефикасно“, додаде Путин.

Текстот Путин: Ситуацијата во Пацификот не е едноставна е превземен од МАКФАКС.