Путин ќе биде вакциниран денес, Кремљ намерно не открива со која вакцина

Кремљ објави дека намерно нема да открие која руска вакцина ќе ја прими претседателот Владимир Путин подоцна денес, за кога е закажана вакцинацијата.

„Намерно не кажуваме која вакцина ќе ја прими претседателот и напомнуваме дека сите три руски вакцини се апсолутно сигурни и ефикасни“, рече портпаролот на Кремљ, Дмитриј Песков.

Тој додаде дека Путин, кој рече дека ќе биде вакциниран денес, најверојатно ќе биде вакциниран навечер и ќе добие една од трите вакцини произведени во Русија.

Путин веќе направи многу во промоцијата на руските вакцини, од кои најпозната е „спутник В“, тврди Песков.

Тој откри дека на Путин не му се допаѓа идејата да се вакцинира пред камери.