Регрутерот на Путин убиен во обид за атентат во центарот на Москва: почина во болница од сериозни повреди

Армен Саркисијан, висок припадник на проруските паравоени сили од источна Украина, почина во болница од повреди добиени во експлозија на бомба во станбен комплекс во Москва, објави рускиот весник „Комерсант“.

Бомба експлодира во фоајето на луксузен станбен блок во Москва, при што загина еден телохранител, а тројца се повредени, објавија руските државни медиуми повикувајќи се на службите за итни случаи.

Бомбата експлодирала токму кога паравоениот водач и телохранителите влегле во фоајето на комплексот „Скарлет едра“ на брегот на реката Москва, на само 12 километри од Кремљ, јавуваат руските медиуми.

Државната новинска агенција ТАСС ја цитира полицијата, која експлозијата ја нарече атентат.

Во декември Украина ја презеде одговорноста за убиството на рускиот генерал Игор Кирилов во експлозија на бомба пред станбена зграда во Москва.

Сè уште нема коментари од Украина.

Текстот Регрутерот на Путин убиен во обид за атентат во центарот на Москва: почина во болница од сериозни повреди е превземен од МАКФАКС.