пред 3 години Рускиот опозициски лидер Алексеј Навални, кој е во затвор една година, е вклучен на листата на терористи и екстремисти на руската служба за финансиски мониторинг „Росфинмониторинг“, која е задолжена за борба против перење пари и финансирање тероризам.
На списокот се најде и една од неговите соработници Љубов Собол, која побегна во егзил пред да биде кривично гонета.
Покрај организацијата на Навални која беше забранета во јуни на списокот се додадени уште најмалку девет лица поврзани со неговото движење. Во средината на јануари, на списокот беа додадени двајца од главните соработници на Навални, Иван Жданов и Леонид Волков, кои живеат во егзил.
Списокот вклучува илјадници луѓе и стотици исламистички, религиозни и ултранационалистички организации забранети во Русија, како што се талибанците и Исламската држава.
Навални беше уапсен на 17 јануари минатата година во Москва, откако се врати од лекување во Германија по тешкото труење во август, за кое го обвинува рускиот претседател Владимир Путин. За измама е осуден на две и пол години затвор.
Би можело да ве интересира
Зеленски го разреши украинскиот амбасадор во Германија
Уапсен Руски државјанин кој соработувал со Службата за безбедност на Украина
Пет години затвор за поранешен албански министер за внатрешни работи
Вучиќ: Од Суботица до Скопје ќе се стига за четири и пол часа
Креаторите на „спутник в“ бараат извинување од ЕМА – „Можно е политичко мешање“
Aмерикански Иранeц обвинет за шпионажа уапсен во обид да го напушти Иран
