Русија сака НАТО да се повлече од Бугарија и Романија

Безбедносните гаранции што Русија ги бара од Запад за повлекување на странски војници, оружје и опрема важат и за Бугарија и Романија како две земји кои не беа членки на НАТО во 1997 година, изјави рускиот министер за надворешни работи Сергеј Лавров.

Москва бараше правно обврзувачки гаранции од НАТО дека блокот ќе престане да се шири на исток и ќе се врати на границите од 1979 година.

На прашањето што значи тоа за Бугарија и Романија, кои се приклучија на НАТО по 1997 година, Министерството соопшти дека Русија сака сета странска опрема и војници да се повлечат од тие земји, додаде „Ројтерс“.

„ Станува збор за повлекување на странски војници, опрема и оружје, како и за други чекори насочени кон враќање на состојбата од 1997 година во земјите кои во тоа време не беа членки на НАТО. Тоа ги вклучува Бугарија и Романија“ – истакна Лавров.