пред 3 години Министерството за надворешни работи на Русија денеска и предаде протестна нота на американската амбасада во Москва со предупредување за опасните последици од провокациите во близина на руските граници, изјави портпаролката на МНР Марија Захарова.
Воените активности на САД и земјите-членки на НАТО долж периметарот на руската граница, вклучувајќи борбени авиони и опасните поморски маневри, продолжуваат да растат.
„Американската армија и нејзините сојузници во НАТО преминаа од обиди за тестирање на системот за заштита на нашите граници кон провокации против цивилни авиони, загрозувајќи ја безбедноста на воздушниот простор и човечките животи“, рече Захарова.
„Во врска со овие провокативни дејствија, на Амбасадата на САД во Москва денеска и беше врачена протестна нота со предупредување на опасните последици од ваквата непромисленост“, рече Захарова во изјавата објавена на веб-страницата на руското Министерство за надворешни работи, пренесува ТАСС.
На 3 декември, над Црното Море, воен авион на НАТО се приближи до патничкиот авион Ербас А330, кој летал од Тел Авив за Москва.
„Росавијација“ објави дека авионот на НАТО летал со интензивно намалување на висината, поради што ја прекинал рутата наменета за цивилни авиони.
Би можело да ве интересира
Мајмунските сипаници пристигнаа во Грција?
Директорот на ЦИА: Путин е лут, не го зеде Киев за два дена како што беше планирано
Голем хакерски напад во Украина – паднаа сајтовите на Владата и Министерството за надворешни работи
Делта сојот влијае на младите – нема колективен имунитет додека не се вакцинираат, велат германските имунолози
Во Грција регистриран првиот случај на јужноафриканската мутација на вирусот
(Видео) Протести и апсења низ Европа
