Рускиот амбасадор нема да се врати во САД во скоро време по новата тура санкции

Рускиот амбасадор во САД, Анатолиј Антонов, дефинитивно нема да се врати во Вашингтон во скоро време откако американскиот претседател Џо Бајден воведе повеќе санкции против Москва, изјави за ТАСС експертот на меѓународниот клуб за дискусии „Валдаи“, Дмитриј Суслов.

„Мислам дека во светлина на последните настани, амбасадорот Антонов сигурно нема да се врати наскоро во Вашингтон. Амбасадорот на САД во Русија, Џон Саливан, веројатно ќе остане на своето место. Дипломатските односи со САД формално ќе останат такви какви што се, но без враќање на рускиот амбасадор “, рече Суслов, кој е заменик-директор на Центарот за сеопфатни европски и меѓународни студии на Високата економска школа при Националниот руски истражувачки универзитет.

Во исто време, продолжи Суслов, протерувањето на руските дипломати од Вашингтон укажува на продолжување на дипломатската војна меѓу двете земји, која само зема замав.

Суслов, кој беше повикан назад во Москва на консултации минатиот месец, денеска пристигна во руското Министерство за надворешни работи, еден ден откако САД воведоа нови санкции за Москва, пренесе РИА Новости.