Рускиот патријарх сака да има мир, но не ја осудува војната во Украина

Поглаварот на Руската православна црква, чија поддршка за „специјалната воена операција“ на Москва во Украина вознемири многу христијани, рече дека се надева оти конфликтот наскоро ќе заврши, но овој пат не го осуди ниту критикуваше.

На богослужбата на отворено пред московската катедрала Христос Спасителот во пресрет на православниот Велигден, патријархот Кирил посипуваше света вода со живо украсениот традиционален велигденски леб, велејќи дека многу лебови ќе бидат испратени во Донбас во источна Украина во текот на денот.

„ Нека овој велигденски подарок им помогне на оние кои се вклучени во овој тежок конфликт да ги смират своите срца, умови, души, да го прекинат конфликтот што е можно поскоро и да го донесат долгоочекуваниот мир. Само така ќе се зајакнат побожноста и вербата“, порача тој.

Патријархот Кирил, сојузник на рускиот претседател Владимир Путин, претходно ја поддржа воената интервенција на Москва во Украина. Но, додека зборуваше за потребата од помирување, тој не ја доведе во прашање или критикуваше руската воена кампања.