Рускиот хемичар Менделеев бил шпион

Големиот хемичар Дмитриј Менделеев бил еден од најпознатите агенти на руската разузнавачка служба во 19 век, рекол директорот на руската надворешно-разузнавачка служба, Сргеј Наришкин.

Тој во интервју за весникот „Историк“, чиј декемвриски број е посветен на претстојната 100-годишнина од руската разузнавачка служба, рекол дека пред формирањето на службата, како посебни професионални структури, луѓе од различни професии биле вклучени во добивањето на потребни информации.

„Ќе кажам неколку најпознати имиња: тоа е првиот претседател на Царското руско историско општество, принцот Петар Вјаземски, хемичарот Дмитриј Менделеев, географот и истражувач Николај Пржевалски и писателот и дипломат Александар Грибоједов. Сите тие помалку се занимавале со разузнавачки активности, политички и воено-стратешки разузнавачки податоци“ рекол Наришкин.

Менделеев своевремено добил информации потребни за организирање на безбедно производство на барут без чад врз основа на пироксилин во Русија. Предностите на овој барут беа дека неговата употреба го зголемува опсегот на стрелање и прецизност. Французите први измислиле пироксилин во прав, но тие не сакаа да го споделуваат своето знаење со никого.

Со цел да ги совлада сите технолошки нијанси, Менделеев бил испратен во Франција по упатство на руското Министерство за војна во 1890 година.

Патувањето било официјално од чисто научна природа. Во Франција, Менделеев го искористи своето пријателство со локалните хемичари. Тој успеа да открие како Французите ги надминале грешките во производството на барутот без чад. Добиените информации потоа биле применети во производството на оваа супстанца во Русија.