пред 3 години Руските власти издадоа потерница за Леонид Волков, близок соработник на опозицискиот лидер Алексеј Навални.
Соработникот на Навални ги повика граѓаните на Русија на 14 февруари, на Денот на вљубените, да се соберат пред своите куќи, да ги запалат лампите на нивните мобилни телефони и свеќите во форма на срце, да го снимат чинот и да го споделат на социјалните мрежи.
Агенцијата „Интерфакс“ објави дека Волков моментално е во странство, пренесува „Ројтерс“.
Од апсењето на Алексеј Навални, познат критичар на рускиот претседател Владимир Путин, десетици илјади Руси протестираа на улиците на руските градови.
