САД ја продолжија забраната за патување во Канада и Мексико до 21 декември

САД објавија дека ќе ги продолжат ограничувањата што забрануваат патување што не е итно по копнените граници со Канада и Мексико до 21 декември.

Ограничувањата за првпат беа воведени во март за да се контролира ширењето на Ковид-19. „Ројтерс“ објави дека мерките се очекува да бидат продолжени за дополнителни 30 дена по претходниот датум на истекување на 21 ноември.

Вршителот на должноста шеф на националната безбедност, Чад Волф, на „Твитер“ изјави дека САД тесно соработуваат со Мексико и Канада за да ја одржат неопходната трговија и патувања, истовремено заштитувајќи ги граѓаните од вирусот.

Канада исто така го потврди продолжувањето.