Само седум брода поминаа низ Ормускиот теснец синоќа

Седум танкери за сурова нафта поминаа низ Ормускиот теснец во четврток, што е двојно помалку од претходниот ден, според службата за следење на бродови „Кплер“, што одразува загриженост за поморската безбедност на Блискиот Исток, бидејќи мировните преговори меѓу САД и Иран стојат во место.

Четири од бродовите влегоа, а три го напуштија водниот пат, кој пренесуваше речиси една петтина од светската сурова нафта и течен природен гас пред почетокот на војната во февруари, објави Ројтерс.

Друг важен премин, исто така, е во проблеми
Меѓу седумте бродови немаше супертанкери за сурова нафта или танкери за течен природен гас. Сепак, податоците покажаа дека еден многу голем танкер за гас, кој превезуваше пропан и бутан, помина низ Ормускиот теснец преку иранската рута. Сообраќајот низ теснецот Баб ел-Мандеб, исто така, се забави во четвртокот во споредба со претходните два дена.

Вкупно 23 бродови за сурова нафта поминаа низ теснецот Баб ел-Мандеб, во споредба со 34 бродови во претходните два дена, исто така според „Кплер“, при што 16 бродови влегоа и седум излегоа.

Меѓу седумте бродови што излегоа од теснецот беа два танкери што превезуваа сурова нафта наменета за Виетнам и Индија, соодветно.

Ниту еден супертанкер со сурова нафта или танкер со течен природен гас не помина низ теснецот Баб ел-Мандеб во четврток.

Текстот Само седум брода поминаа низ Ормускиот теснец синоќа е превземен од МАКФАКС.