пред 3 години Генералниот директор на Светската здравствена организација Тедрос Гебрејесус денеска изјави дека би било опасно да се мисли дека екстремно заразниот вид омикрон е последен што ќе се појави во светот и дека ова е крајот на пандемијата.
Сепак, Тедрос додаде дека е можно оваа година да заврши акутната фаза на пандемијата, каде што ковид претставува глобална здравствена закана, под услов стратегиите и помагалата како тестовите и вакцините да се користат правилно, објави „Ројтерс“.
Говорејќи на отворањето на состанокот на извршното тело, Тедрос истакна дека омикрон е откриен пред речиси 10 недели и дека оттогаш во светот се регистрирани 80 милиони случаи, повеќе отколку во 2020 година.
„Условите се идеални за појава на уште повеќе видови“, додаде директорот на СЗО.
Тедрос посочи дека човештвото може да стави крај на коронавирусот како глобална здравствена закана со исполнување на повеќе цели, како што е намерата на СЗО за вакцинирање на 70 отсто од населението во сите земји до средината на годината, особено оние кои се изложени на најголем ризик од Ковид-19, како и со внимателно следење на вирусот и новите варијанти кои се појавуваат.
Би можело да ве интересира
Санчез до Путин: Нема да победите
Пожар во италијанската вила на телевизиски водител од Русија, на ѕидовите напишано „Убиец“ и „Стоп за војната“
Во Израел откриена мутација на делта-сојот од коронавирус, момче сместено во карантин
Мечка во САД извлече жена од шатор среде ноќ и ја уби
Во Берлин се гради објект во кој ќе има црква, синагога и џамија под ист покрив
Првите Американци ќе ја примат вакцината против Ковид-19 на 11 декември
