Со аплауз и букет цвеќе од нејзиниот наследник, Меркел беше испратена во пензија

Како некој што како неискусна девојка влезе во политичките води, Меркел сега засекогаш ја напушта светската политичка сцена, а целиот свет се прашува дали оваа економски моќна нација во срцето на Стариот континент ќе остане стабилна и предвидлива и без Ангела Меркел.

Тоа беше тоа – по 16 години, официјално заврши една ера – Ангела Меркел му ги предаде функцијата и официјалните работи на нејзиниот наследник Олаф Шолц.

„Преземете ја сопственоста на оваа куќа и работете за доброто на нашата земја“, му рекла Меркел на новиот канцелар Шолц, кој и се заблагодарил и и подарил букет цвеќе.

Постигнавте големи работи“, изјавил новиот германски канцелар, пренесува „Билд“.

Меркел со насмевка го примила цвеќето и официјално по 16 години беше испратена во пензија.

Кога Меркел ја напуштила канцеларијата, вработените гласно и долго аплаудирале.

Шолц во средата положи заклетва во Бундестагот, а многумина заминувањето на Ангела Меркел го нарекоа „крај на една ера“.