пред 3 години Белгиската полиција денеска употреби водени топови и солзавец за да ја растера групата демонстранти во Брисел.
Учесниците на маршот протестираа против Ковид мерките објавени во петокот, трета недела по ред, кога владата ги заостри рестрикциите поради последното зголемување на новозаразените со Ковид-19.
Повеќето од демонстрантите, кои марширале мирно, се разотишле кога околу стотина од нив налетале на полицијата која го блокирала пристапот до зградата на Европската комисија.
По краткиот судир со полицијата, демонстрантите ги гаѓале полицајците со ѓубре и други предмети, вклучително и велосипеди, а запалиле и петарди и факели.
Полицијата морала да употреби водени топови и солзавец за да ги растера. Засега нема информации дали има повредени.
Би можело да ве интересира
Кличко: Бројот на луѓе во градот драстично се намали, половина од жените и децата го напуштија Киев
Борис Џонсон и Олаф Шолц се залагаат за јасна порака до Русија, но и дијалог
Британскиот министер за здравство снимен како ја бакнува колешката: „Се извинувам што ги прекршив мерките“
Палмер: Земјите од Западен Балкан треба да бидат во НАТО и ЕУ
(Видео) „Гори“ Триполи – над 350 лица повредени во судирите меѓу полицијата и демонстрантите
(Видео) Експлодираше прототип на ракетата на Илон Маск
