„Твитер“ реагираше на твитот на Трамп дека е имун на коронавирусот

Претседателот на САД, Доналд Трамп, објави дека се излекувал и на „Твитер“ напиша дека е имун на коронавирусот.

Тој за „Фокс њуз“ изјави дека тестовите покажуваат дека тој може да се врати во кампањата без ризик за другите.

Неговиот лекар, Шон Конли, вчера изјави дека претседателот не е носител на вирусот.

A total and complete sign off from White House Doctors yesterday. That means I can’t get it (immune), and can’t give it. Very nice to know!!!

— Donald J. Trump (@realDonaldTrump) October 11, 2020

„Го поминав највисокиот тест, највисоките стандарди и сум во одлична состојба. Изгледа сум имун. Може да излезам од подрумот“, рече Трамп за „Фокс њуз“.

Подоцна тој се огласи и на „Твитер“ каде што напиша дека добил информација од докторот дека е имун на Ковид-19 односно дека не може да се зарази, како и дека не може да го пренесе вирусот.

„Твитер“ ја означи објавата на американскиот претседател Доналд Трамп како предупредување поради тоа што со твитот се кршеле правилата на компанијата за ширење потенцијално погрешни и штетни информации во врска со Ковид-19.