пред 3 години Американскиот претседател, Доналд Трамп, на социјалната мрежа Твитер објави дека Џо Бајден може да стане претседател само ако докаже дека гласовите ги добил законски.
„Бајден може да влезе во Белата куќа како претседател само ако може да докаже дека неговите смешни „80.000.000 гласови“ не биле добиени незаконски. Кога ќе видите што се случи во Детроит, Атланта, Филаделфија, масовна измама, тоа e голем нерешлив проблем“, рече Трамп.
Претходно Трамп изјави дека ќе ја напушти Белата куќа доколку eлекторскиот колеџ ја потврди победата на демократскиот кандидат Џо Бајден на претседателските избори. Тој посочи дека тоа не значи дека прифаќа пораз.
Трамп рече дека ќе биде голема грешка ако електорите го сторат тоа, но дека тој ќе ја прифати нивната одлука.
На прашањето дали ќе ја напушти претседателската резиденција на денот на инаугурацијата, 20 јануари 2021 година, ако победата на Бајден биде потврдена, Трамп одговори:
„Секако дека ќе го направам тоа, и вие знаете дека е така. Но, мислам дека многу работи ќе се случат пред 20-ти јануари. Откриена е огромна измама“.
Би можело да ве интересира
Иран: Не знаевме за планот на Хамас за 7 октомври
Бајден го поздрави исходот од изборите во Франција, најави средба со Макрон
Aпсење му се заканува на гувернерот на Њујорк, асистентка го обвини дека и ги допирал градите
Бачел: Израел би можел да биде обвинет за воени злосторства
ЕУ постигна договор за климатските цели за 2030 година
На Саркози му се заканува затвор поради Гадафи
