Турција: Преговори со Шведска и Финска пред влезот во НАТО

Турција не ја затвори вратата за влез на Шведска и Финска во НАТО, изјави денеска портпаролот на турскиот претседател Ибрахим Калин.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

Тој додаде дека Турција сака преговори со тие нордиски земји и сузбивање на она што ги смета за терористички активности, особено во Стокхолм.

„ Не ја затворивме вратата, но всушност го покренуваме ова прашање како прашање од важност за националната безбедност на Турција“, изјави за „Ројтерс“ Калин, главен советник за надворешна политика на Ердоган.

Турскиот претседател ги изненади членките на НАТО и двете нордиски земји кои бараат прием во Северноатлантската алијанса, велејќи вчера дека не е можно Турција да го поддржи проширувањето на алијансата бидејќи Финска и Шведска се „земји домаќини на многу терористички организации“.

Секоја земја што сака да се приклучи на Северноатлантската алијанса има потреба од едногласна поддршка од сите членки на НАТО.