Украинците објавија слика од заробени руски војници – добредојдовте во пеколот

Украинските вооружени сили објавиле слика од заробени руски војници на Фејсбук.

Заедно со слика од тројцата војници напишаа и кратка порака.

– А овие кутри дивјаци ќе ни покажат како да живееме на нашата од Бога дадена земја? Немаат поим со кого стапиле во контакт. Добредојдовте во пеколот – напиша на Фејсбук копнената војска на Украина.

Да потсетиме, денеска немаше поголеми конфликти меѓу руската и украинската армија.

Утрово беше објавено дека се отворени хуманитарни коридори од неколку украински градови опколени од руската армија, а започна и третата рунда мировни преговори меѓу Русија и Украина.