(Фото) Авион падна врз куќа во Диселдорф, има загинати

Мал авион се урна на терасата на куќа во Диселдорф во саботата, при што загинаа две лица, соопшти германската полиција.

Една од жртвите е пилотот (71) на авионот, изјави портпаролот на полицијата.

Другото мртво лице веројатно бил копилотот или жена која живеела во зградата во малото гратче Коршенбрих, помеѓу Дизелдорф и Менхенгладбах.

Засега нема информации за причината за несреќата, додаде портпаролот, додека 50 пожарникари го гаснат пожарот .

Соседите велат дека слушнале силен тресок.

– Слушнавме неверојатно силен тресок, а потоа веднаш видовме облак од чад. Трчавме до куќата да помогнеме. Човекот што живее во куќата очигледно го видел авионот како се приближува и успеал да скокне на страна. Но, жената е мртва – рече жителот.

Снимките од местото на настанот ја покажуваат опашката на авионот како штрчи од градината на зградата што гори и пожарникарите во целосна заштитна опрема како се обидуваат да го локализираат пожарот.

Текстот (Фото) Авион падна врз куќа во Диселдорф, има загинати е превземен од МАКФАКС.