Шведска и официјално донесе одлука за поднесување барање за членство во НАТО

Шведската влада денеска донесе официјална одлука нивната земја да аплицира за членство во НАТО. Премиерката Магдалена Андерсон изјави дека најдоброто нешто за безбедноста на Шведска е да стане дел од Алијансата.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

Владата претходно во текот на денот имаше состанок. Пред тоа се одржа собраниска расправа за состојбата на безбедносната политика.

„Во нашиот парламент има големо мнозинство за прием на Шведска во НАТО“, рече Андерсон.

Со одлуката, Шведска се откажува од политиката на воена неутралност поради руската инвазија на Украина. Премиерката Магдалена Андерсон за време на обраќањето пред пратениците во парламентот во Стокхолм оваа одлука ја оцени за „историска промена во безбедносната политика на Шведска”.