пред 3 години Шведскиот премиер Стефан Лофвен денеска поднесе оставка и најверојатно ќе биде наследен од министерката за финансии, Магдалена Андерсон.
Лофвен, поранешен заварувач и синдикален преговарач, ја предводеше малцинската коалиција од 2014 година и на почетокот на годинава најави дека ќе се повлече пред следните избори, закажани за септември 2022 година, пренесува АФП.
Ако Андерсон стане премиерка, таа ќе биде првата жена на чело на шведска влада. Нејзе ќе и треба поддршка од фрагментираниот парламент за да ја преземе премиерската функција.
Таа мора да биде поддржана од Зелените, коалиционен партнер на социјалдемократите, левицата и центарот, кои се надвор од владејачката коалиција, но генерално ги поддржуваат предлозите на владата. Лофвен ќе ја предводи преодната влада додека не се избере нов премиер.
Во јули, шведскиот парламент го реизбра социјалдемократот Стефан Лофвен за премиер, кој поднесе оставка еден месец претходно, откако го загуби гласањето за доверба.
Би можело да ве интересира
Повеќе од 200 руски лекари испратија писмо до Путин: Ослободете ја болната активистка
НАТО тренира во Северна Македонија во случај на прелевање на кризата од Украина, според медиумите во соседството
(Видео) Објавено видео од опколениот Азовстал во Маријупоље: 50 дена сме под земја, не сме виделе ни сонце ни небо
Црна Гора усвои санкции против Русија
Испуштиле џекпот од речиси 200 милиони евра зашто не успеале да го уплатат ливчето
Во светот од коронавирус досега заболеле повеќе од 106 милиони луѓе
