пред 4 години Во Германија со голема брзина се шири британскиот сој на коронавирус. Дури 22 проценти од новите инфекции се од овој вид, рече германскиот министер за здравство Јенс Шпан.
“Секоја недела, уделот на британскиот вид коронавирус во вкупниот број на нови инфекции се удвојува. Овој вид наскоро може да преовладува во вкупниот број на нови инфекции”, изјави Шпан.
Тој додаде дека пред две недели уделот на британскиот вирус во вкупниот број на инфекции бил шест проценти,додека јужноафриканскиот вид на коронавирус моментално сочинува 1,5 процент од новите инфекции.
“Треба да бидеме многу внимателни кога ќе излеземе од мерките за затворање. Не смееме да ги загрозиме нашите сегашни успеси”, рече германскиот министер за здравство.
Тој објасни дека и покрај ширењето на мутирани видови на вирусот, сè помалку граѓани се заразуваат со коронавирусот.
„Тоа е охрабрувачка вест и ни покажува дека сме на вистинскиот пат“, рече Шпан.
Строгите мерки на затворање се на сила во Германија од почетокот на ноември и се продолжени до 7 март.
Претставниците на сојузната и покраинската влада треба да разговараат за нови мерки и можни отвори на 3 март.
Би можело да ве интересира
Нетанјаху повторува дека целта е „да го уништи Хамас“ при посетата на Газа
Рускиот амбасадорот во Лондон: Британците се арогантни!
Новиот претседател на Јужна Кореја: Вратата за дијалог со Северна Кореја е отворена
Вучиќ: Целосна поддршка за територијалниот интегритет на Украина, oва не е време за санкции кон Русија
Русија собира војска – се одржуваат вежби од Атлантикот до Пацификот
Кина водечка земја во светот според бројот на вакцинации
