пред 3 години Разузнавачките авиони на НАТО ги интензивираа летовите во воздушниот простор над Црното Море и годинава речиси трипати почесто прават прелети, вели командантот за воено воздухопловство и воздушна одбрана на Јужниот воен округ на Русија, Николај Гостев.
„Земјите на НАТО во последно време покажуваат вистински интерес за руските јужни граници“, изјави Гостев во интервју за Воениот билтен за Јужна Русија.
“Во споредба со лани, интензитетот на летовите за разузнавачки авиони на НАТО над Црното Море се зголеми речиси трипати. За споредба, авионите на нашите партнери од Западот извршија 270 извидувачки летови во 2019 година, околу 530 во 2020 година и повеќе од 560 од почетокот на годинава во јужната област на одговорност. “
Француски воени авиони и тактичките авиони на сојузничките сили на НАТО се приклучија на летовите на американските шпионски авиони и беспилотни летала.
„Ниту еден лет што го изведуваат не останува незабележан, а воздушните одбранбени способности на руската армија деноноќно ги следат овие летови и навремено реагираат со строго почитување на меѓународното право“, истакна командантот.
Би можело да ве интересира
СЗО: Потврдени речиси 200 случаи во 20 земји на мајмунска сипаница
Протекоа мејлови на научници: Мислиме дека вирусот излегол од лабораторија
Актерот Алек Болдвин усмрти камерманка на снимање на филм со куршум од реквизит
Институтот„Роберт Кох“ објави список на земји од кои Германците се враќаат најчесто заразени од коронавирус
Фаучи: Во март започнуваме со тестирање на вакцината на „Модерна“ против јужноафриканскиот вид
Лукашенко: Сè додека е полицијата со мене, не давам оставка
