Јапонскиот министер за здравство ги прекршил мерките, по 21 часот отишол на вечера со службеници од министерството

Јапонскиот министер за здравство Норихиса Тамура денеска се извини откако медиумите објавија дека службеници на Министерството за здравство се собрале во ресторан во Токио ноќе и со тоа го прекршиле законот за сузбивање на коронавирусот.

Тамура потврди дека 23 вработени во министерството вечерале заедно на 24 март и дека брзо ќе го испитаат случајот, објави агенцијата Кјодо, пренесува „Ројтерс“.

Токио и трите окружни префектури излегоа од вонредна состојба на 21 март, но владата нареди рестораните да се затворат до 21 часот и да ги ограничат јавните собири.

Според посебен извештај на весникот „Јомијури“, службениците на Министерството за здравство се собрале на проштална забава во паб во Токио, а некои останале до полноќ.