(🔴Во живо) Избори во Србија: Редици пред избирачките места во Белград и Нови Сад

Србија денеска гласа на предвремените парламентарни избори, кои би можеле да бидат најголемиот тест за власта на Александар Вучиќ во последните 14 години. На неговиот блок сериозно му се заканува политичката сила произлезена од студентските протести по падот на настрешницата на железничката станица во Нови Сад, во ноември 2024 година, кога загинаа 16 лица.

За 250 пратенички места во Народното собрание се натпреваруваат 18 изборни листи, од кои девет се малцински. Право на глас имаат нешто повеќе од 6,45 милиони избирачи. Избирачките места се отворени од 7 до 20 часот.

🔴 08:35 – На гласање пристигна и Илија Срдановиќ од Студентската листа

Првиот на Студентската листа, Илија Срдановиќ, гласаше денеска на предвремените парламентарни избори во Нови Сад.

Професорот гласал на избирачкото место број 58, во Основното училиште „Прва војводинска бригада“. Граѓаните кои чекале во ред на ова избирачко место го поздравиле со аплауз.

Profesor Ilija Srdanović, prvi na Studentskoj listi glasao je upravo u Novom Sadu.

Građani koji čekaju u redu na ovom biračkom mestu pozdravili su ga aplauzom. https://t.co/LrvHoCGKrp

— Mašina (@MasinaRS) October 25, 2026

🔴 08:31 – Седум избирачки места во Шабац не биле отворени навреме

Поради технички проблеми, седум избирачки места во Шабац не биле отворени во 7 часот, како што било предвидено, соопштиле од Градската изборна комисија за агенцијата Танјуг.

И во овој град граѓаните чекаат во редици за да гласаат на парламентарните избори. Во Шабац право на глас имаат 97.402 избирачи, кои гласаат на 100 избирачки места на територијата на градот и на едно избирачко место во Казнено-поправниот дом во Богосавац.

🔴 08:29 – Вучиќ со сопругата чека во ред за гласање

Александар Вучиќ, носител на листата „Обединета Србија“ и поранешен претседател и премиер на Србија, пристигна со сопругата Тамара на избирачкото место во Нов Белград.

Vučić izašao da glasa! Stajao u redu sa suprugom Tamarom i čekao sa narodom (FOTO) https://t.co/5C3qDpwjtM

— Informer (@InformerNovine) October 25, 2026

Поради гужвата на избирачкото место, двајцата чекале во ред за да го остварат своето право на глас.

🔴 08:28 – Срби од Косово со автомобили и автобуси заминаа на гласање во Србија, гужви на границата

Голем број Срби од Косово и Метохија, кои сакаат да го остварат своето право на глас на предвремените парламентарни избори во Србија, тргнале рано утринава кон Србија, бидејќи не можат да гласаат во местата каде што живеат. Поради нивното заминување, се создаваат гужви на граничните премини.

🔴 07:52 – Во некои држави ќе се гласа и во текот на ноќта

Една од главните новини е промената на времето за отворање на избирачките места во странство. Според ЦЕСИД, целта е да се спречи предвремено објавување на резултатите од гласањето во дијаспората, пред да заврши гласањето во Србија.

Во зависност од временската зона, гласањето ќе се одвива во различни локални часови. Во Чикаго почна во 1 часот по полноќ, а во Вашингтон, Њујорк и Канада во 2 часот. Во Австралија ќе трае од 17 часот на 25 октомври до 6 часот следното утро, на Нов Зеланд од 19 до 8 часот, а во Кина од 14 часот до 3 часот по полноќ.

🔴 07:33 – Во Нови Сад редици уште од пет часот наутро

Во Нови Сад гласањето започна во 7 часот. Право на глас имаат 345.943 граѓани, кои можат да гласаат на вкупно 221 избирачко место.

Избирачките места биле отворени навреме, а граѓаните почнале да гласаат уште во раните утрински часови.

Izbori u Srbiji. Ogromne gužve na biralištima. Ovo je Novi Sad. https://t.co/rxsSMaHy55

— Istraga.ba (@IstragaB) October 25, 2026

Редиците пред речиси сите избирачки места почнале да се формираат околу 5 часот, два часа пред официјалниот почеток на гласањето.

🔴 07:21 – Редици пред избирачките места во Белград

Според извештаите, редици од гласачи почнале да се формираат уште во раните утрински часови.

Они који нису стигли на време, у пола седам, прилично ће да чекају. #Voždovac #Beograd #StudentiPobedjuju https://t.co/qmCEDnnx7a

— Библиотекар (@istorijska) October 25, 2026

Novi Beograd vredno od ranog jutra 🫶🏻 https://t.co/dZOa1vJtec

— Student u svakom BLOKU (@studentubloku) October 25, 2026

🔴 07:04 – Првите гласачи го остварија правото на глас

Избирачките места во Србија се отворени, а првите граѓани веќе гласаа. Гласањето ќе трае до 20 часот.

🔴 07:03 – Редици се формираа пред отворањето на избирачките места

На одредени избирачки места во Белград граѓаните чекале на гласање уште пред 7 часот, кога официјално започнало гласањето.

Na Vračaru, na mom biračkom mestu veliki red… a još nema ni 7h #izbori #beograd #vračar https://t.co/4Vs1BRYqmu

— Dušan Stanković (@DusanStankovic4) October 25, 2026

Кои се 18-те изборни листи?

1. „Александар Вучиќ – Обединета Србија“
2. „Ивица Дачиќ – Фактор на стабилноста“
3. „Студентска листа – Студентите победуваат“
4. „Расим Љајиќ – Човечки (СДП-ЦДП)“
5. „Сојуз на војводинските Унгарци – д-р Балинт Пастор“
6. „Усаме Зукорлиќ – Движење за обединување“
7. „Руска партија – Србија во БРИКС – Слободан Николиќ“
8. „Автентична десница – д-р Милош Јовановиќ – Храбро српски“
9. „Европска Србија – Мариника Тепиќ – Здравко Понош“
10. „СДА Санџак – Чувари на Санџак“
11. „Богољуб Кариќ – Движење Сила на Србија – БК“
12. „Либерално зелена партија – За слободна и почиста Србија“
13. „Избирам правда – Избирам иднина“
14. „Партија на руско-српско единство – Русите и Србите се браќа засекогаш“
15. „Тато, ова е за тебе – Петар Ѓуриќ – премиер на Србија“
16. „Владимир Гајиќ – Алтернатива за Србија“
17. „Албанска коалиција“
18. „Мајка Србија – Груда“

Текстот (🔴Во живо) Избори во Србија: Редици пред избирачките места во Белград и Нови Сад е превземен од МАКФАКС.