пред 12 месеци Се верува дека повеќе од 700 вработени во „Ербас Атлантик“ се разболеле по божиќната вечера во компанијата, соопштија здравствените власти во Франција. Работниците во фабриката на воздухопловната групација во западна Франција пријавиле симптоми како повраќање и дијареа, според здравствената агенција АРС.
Не е познато што имало на менито на гала гозбата, а Ербас веднаш не одговорил на барањето на Би-Би-Си за коментар. Ербас Атлантик е подружница на најголемиот светски производител на авиони Ербас и вработува 15.000 луѓе во пет земји.
АРС не даде детали за тоа каква точна храна може да ги разболела луѓето на вечерата одржана минатата недела, но претходно вчера објави дека гостите покажуваат „клинички знаци на повраќање или дијареа“.
Покрената е истрага за откривање на изворот на масовното труење со храна, соопшти организацијата за новинската агенција АФП.
Пошироката групација Ербас вработува 134.000 луѓе и обезбедува производи и услуги во авионската, хеликоптерската, одбранбената, вселенската и безбедносната индустрија.
Текстот 700 работници на најголемиот производител на авиони во Европа отруени од храна на божиќна забава е превземен од МАКФАКС.
Би можело да ве интересира
„Гугл“ со 300 медиуми во ЕУ се договори да плаќа за содржина
Првата изјава на Марин Ле Пен по поразот на изборите во Франција
Папата Франциско: Бог е со миротворците, а не со оние кои почнуваат војни
Мелбурн се подготвува да излезе од најдолгиот локдаун во светот
ЕУ го предупреди Косово да не отвора амбасада во Ерусалим
Асад за конфликтот во Нагорно-Карабах: Ердоган е главен поттикнувач и провокатор
