Tоварни брода се судрија во Балтичкото море, во тек е потрага по преживеани

Два товарни брода се судрија во Балтичкото Море, по што еден од нив се преврте, соопшти Шведската поморска управа.

Во тек е спасувачка операција и потрага по најмалку две лица, јавува шведскиот јавен сервис СВТ. Во потрагата учествуваат десетина пловни објекти од Шведска и Данска, како и хеликоптери.

Судирот се случил помеѓу Истад (Шведска) и Борнхолм (Данска). Едниот брод е регистриран во Данска, а другиот во Норвешка.

Бродот што се преврте е „Карин Хоеј“, регистриран во Данска, а две лица кои се наоѓале во него исчезнале, соопшти Заедничкиот оперативен центар за данска одбрана (ЗОК).

Друг брод, регистриран во Британија, наречен „Scot Carrier“ е функционален и неговиот екипаж е безбеден.