Бекамови станаа милијардери: објавена е листата на најбогати Британци

Фудбалерот Дејвид Бекам стана првиот британски спортист кој стана милијардер, додека браќата Ноел и Лиам Галагер од бендот „Oejzis” за прв пат влегоа на годишната листа на најбогати луѓе во Велика Британија, објавена од Сандеј Тајмс.

Заедничкото богатство на Бекам и неговата сопруга Викторија се проценува на 1,1 милијарда фунти, додека богатството на браќата Галагер се проценува на околу 357 милиони фунти.

На врвот на листата, петта година по ред, се Санџаџи Дирај Хиндуџа, сопственици на групацијата „Хиндуџа“, која работи во областа на енергетиката, банкарството и транспортот, со вкупно богатство од 38 милијарди фунти.

Беа забележани и неколку промени на листата, со скокот на трговецот Алекс Герко и Ник Сторонски.

Кралот Чарлс III, исто така, забележа зголемување на богатството на околу 680 милиони фунти, надминувајќи го поранешниот британски премиер Риши Сунак и неговата сопруга Акшата Мурти.

На листата има вкупно 157 британски милијардери, што е за 20 помалку од пред четири години, вклучувајќи ги Елтон Џон, Лорд Ендру Лојд Вебер, Мик Џегер, Џ.К. Роулинг и Луис Хамилтон.

Оние кои изгубија дел од своето богатство се пронаоѓачот Џејмс Дајсон и ко-сопственикот на ФК „Манчестер Јунајтед“ Џим Ратклиф.

Падот на приходите на Дајсон се припишува на американските царини, според „Сандеј тајмс“.

Текстот Бекамови станаа милијардери: објавена е листата на најбогати Британци е превземен од МАКФАКС.