(Видео) Ајкула плива низ улиците на Њу Џерси

Силна бура што минатиот викенд ја погоди источниот брег на САД предизвика поплави во Сурф Сити, Њу Џерси, каде што еден жител сними ајкула како плива низ улиците.

На снимката, направена во саботата, се гледа ајкулата како се движи низ заматената, сиво-кафеава поплавна вода во ова мало место со околу 1.300 жители.

На видеото се слуша женски глас кој вели: „Дали е тоа мала ајкула? О Боже, доаѓа кон нас“.

A dogfish shark was spotted swimming through floodwaters in Surf City, New Jersey, heading up a resident’s driveway and then toward Barnegat Bay on Saturday. https://t.co/bz1DkvPDni https://t.co/2tzTVQbhYV

— ABC News (@ABC) September 27, 2026

Експерти: Станува збор за безопасен вид
Сепак, се чини дека немало причина за паника. Д-р Грег Скомал, експерт за ајкули од Одделот за морски риболов на Масачусетс, објасни дека снимката прикажува вид ајкула познат како Mustelus canis.

„Тоа е многу мала, безопасна ајкула која е вообичаена во тие води“, изјави Скомал.

Possible Shark Spotted in Floodwaters in Surf City, New Jersey
https://t.co/XcPD0zdtvI

— NewsWire (@NewsWire_US) September 27, 2026

Според извештаите, ајкулата допливала до пристапниот пат кон една куќа пред да продолжи кон заливот Барнегат. Во тоа време, поплавните води во Сурф Сити достигнувале длабочина и до 1,2 метри.

Снимката од ајкулата е само една од необичните сцени забележани за време на невремето. На други видеа се гледаат жители како се движат низ градот со моторни чамци и кучиња што се возат во кајаци. Сепак, невремето имаше и сериозни последици.

Силните ветрови уриваа дрвја и речиси го парализираа сообраќајот, додека илјадници летови беа откажани или одложени. Ударите на ветерот достигнаа 80 км/ч во Њујорк, а дури 120 км/ч во Сурф Сити. Во сојузните држави Род Ајленд и Масачусетс наврнаа меѓу 100 и 150 литри дожд на квадратен метар. Во саботата, 56-годишен општински работник загина во Њујорк откако врз него падна дрво.

Метеорологот Мајк Сајдел во неделата попладне извести дека цели градски блокови во Њу Џерси се под вода, иако додаде дека ситуацијата почнала да се подобрува во текот на денот. Тој го опиша повлекувањето на водата како глетка во која „како некој да го извадил чепот од кадата“ и најави враќање на сончевото време во вторник.

Текстот (Видео) Ајкула плива низ улиците на Њу Џерси е превземен од МАКФАКС.