(Видео) Иранци формираа „живи штитови“ кај електраните и мостовите

Снимки и фотографии од ирански државни медиуми прикажуваат луѓе кои протестираат пред електрани и мостови во земјата.

Иранскиот функционер Алиреза Рахими претходно ги повика граѓаните, особено младите, да формираат „живи штитови“ околу електрани по заканите од американскиот претседател Доналд Трамп за нови напади врз инфраструктурата по истекот на ултиматумот.

Рахими, претставен како секретар на Врховниот совет за млади и адолесценти, во видео-обраќање ги повика „младите, спортистите, уметниците, студентите и професорите“ да се соберат околу електраните.

A human chain has been formed on the White Bridge in Ahvaz, Iran. pic.twitter.com/6eqsrnhb9q

— Clash Report (@clashreport) April 7, 2026

Видео објавено од новинската агенција Фарс прикажува луѓе со големо иранско знаме на мостот Пол Сефид во Ахваз, додека друго видео наводно прикажува „ланец студенти“ на Стариот мост во Дезфул.

Фотографии прикажуваат луѓе и пред електраната „Шахид Раџаи“ во близина на Техеран, како и група со транспаренти пред електрана во Табриз.

Не е јасно колку овие собири се организирани и дали се директно поврзани со повикот за „живи штитови“.

Трамп повеќепати се закани со напади врз ирански електрани, додека израелскиот премиер Бенјамин Нетанјаху потврди дека неговите сили гаѓаат ирански мостови.

Трамп постави рок до 2 часот по полноќ во среда Иран да дозволи користење на Ормускиот теснец без закани, со најава дека САД може да нападнат енергетски постројки доколку тоа не се исполни.

Текстот (Видео) Иранци формираа „живи штитови“ кај електраните и мостовите е превземен од МАКФАКС.