(Видео) Погреб на принцот Филип – Цела нација со една минута молк

Принцот Филип, војводата од Единбург и сопруг на кралицата Елизабета Втора, кој почина минатата недела на 99-годишна возраст, ќе биде погребан денеска по комеморацијата во капелата Свети Ѓорѓи во замокот Виндзор.

Поворката се упати кон капелата. Таа е предводена од најстарите деца на војводата, Чарлс и Ана, следени од Едвард и Ендру, потоа принцовите Вилијам и Хари.

Погребот ќе биде помал, според ограничувањата поради коронавирусот, од 30 гости на црковната служба. Кралицата и избраните членови на семејството ќе носат маски и ќе седат оддалечени два метра. Припадниците на вооружените сили се редеа на позицијата пред погребот на војводата од Единбург.

Претставници на вооружените сили низ целиот Комонвелт исто така маршираа да ги заземат своите места. Бројот на воен персонал во службата е намален на 730 лица.

Принцот Вилијам и неговата сопруга Кејт Мидлтон, војводата и војвотката од Кембриџ, исто така пристигнаа во Виндзор, каде ќе се одржи погребот, на кој ќе има 30 гости. Пристигна и најстариот син на принцот Филип, принцот Чарлс.

Пред церемонијата, ковчегот на Филип беше преместен од приватна капела во замокот Виндзор во Внатрешната сала на замокот, каде што ќе се моли. Церемонијата ќе биде богата со симболика и ќе ги потсетува луѓето на животот на Филип во служба на кралското семејство и нацијата.

Гренадиерската гарда, вековен полк на британската армија, во која војводата од Единбург служеше како полковник повеќе од четири децении, ќе го постави ковчегот на мртовечка кола што принцот помогна да се дизајнира.

Возилото, модифициран „Land Rover Defender“, ќе води мала поворка кон капелата Свети Ѓeорѓи, исто така на теренот на замокот Виндзор.