(Видео) Се сруши зграда од седум ката во Истанбул: спасувачките екипи трагаат по луѓе во урнатините

Утринава, околу 5:40 часот, се урнаа првите три ката од седумкатна зграда во истанбулската општина Малтепе. Надлежните служби за итни интервенции – вклучувајќи пожарникари, полиција, тимови од Управата за управување со катастрофи и вонредни состојби (АФАД) и медицински екипи – веднаш беа испратени на местото на настанот, пренесува АП.

Спасувачите најпрво ги евакуираа станарите кои останале во становите на горните, неоштетени катови. Истовремено, започна пребарувањето на урнатините. Утврдено е дека текстилната работилница лоцирана во приземјето била празна во моментот на уривањето.

Со помош на кучиња трагачи, тимовите извлекле пет лица – меѓу кои и две деца – од урнатините. Повредените добиле лекарска помош и биле пренесени во блиските болници. За време на операцијата, на еден пожарникар му се слошило, па и тој бил пренесен во болница.

İstanbul Maltepe’de 7 katlı binanın saniyeler içinde çöktüğü ana ilişkin güvenlik kamerası görüntüleri ortaya çıktı. https://t.co/FZjb3gxZ1Z

— Asayiş Berkemal (@asayisberkemal0) October 8, 2026

Во операцијата учествува голем број спасувачи. Противпожарната служба ангажирала 175 припадници со 56 возила и кучиња трагачи, додека АФАД на терен има 25 припадници, пет возила и две кучиња трагачи. Полицијата ги затворила пристапните патишта и ја обезбедила областа околу зградата за да им овозможи на тимовите непречена работа. Поради ризикот од дополнително уривање, спасувачите влегуваат во зградата почитувајќи строги безбедносни мерки.

İstanbul Maltepe’de 7 katlı bir binanın ilk 3 katı, henüz bilinmeyen nedenle çöktü.

▬ Arama kurtarma çalışmaları devam ediyor. https://t.co/woZuC4EuNu

— Boşuna Tıklama (@bosunatiklama) October 8, 2026

Гувернер: Ниту едно од спасените лица не е во животно загрозувачка состојба
Канцеларијата на гувернерот на Истанбул во соопштение потврди дека првите три ката од зградата се урнале околу 5:40 часот наутро и дека сите надлежни служби за итни интервенции веднаш биле испратени на местото на настанот.

Гувернерот на Истанбул, Давут Ѓул, го посети местото на несреќата заедно со началникот на полицијата во Истанбул, Селами Јилдиз. Во изјавата за медиумите, Ѓул рече дека зградата била изградена во 1987 година и се состоела од деловен простор во приземјето и шест станбени ката со вкупно 12 станови.

Maltepe Cevizli Mahallesi Doğu Sokak’taki 6 katlı bir binanın alt 2 katında çökme meydana geldi. Ekiplerimiz olay yerinde çalışmalarını sürdürüyor. https://t.co/N0hkW9LGXv

— İstanbul İtfaiyesi (@ibbitfaiye) October 8, 2026

Тој ја објасни ситуацијата со станарите: „Според официјалните евиденции, на таа адреса биле пријавени 33 лица. Уривањето зафати четири стана распоредени на првите три ката. Во тие станови биле пријавени вкупно 14 лица. Досега утврдивме дека двајца станари биле отсутни, односно во своите родни места. Од преостанатите 12 лица, пет се спасени, со четворица е воспоставен контакт, а по тројца сè уште се трага“, изјави гувернерот.

Текстот (Видео) Се сруши зграда од седум ката во Истанбул: спасувачките екипи трагаат по луѓе во урнатините е превземен од МАКФАКС.