пред 1 ден Брегот на Сиднеј беше погоден од силни бранови, што доведе до поплави во станбени згради и оштетување на инфраструктурата, соопштија денеска официјални лица.
Во јужниот дел на Сиднеј неколку куќи беа евакуирани околу полноќ кога брановите навлегоа во крајбрежната област, изјави портпаролот на службата за вонредни ситуации на Нов Јужен Велс, Ендрју Едмундс, пренесе АП.
Massive swells smash windows at Sydney's Bondi Beach https://t.co/9qoVVGoVLO
— BBC News (World) (@BBCWorld) April 2, 2025
На плажата Бонди бранови високи 5,5 метри оштетија згради покрај брегот.
Во еден од комплексите со базен, сала за вежбање и ресторан искршени се прозорци и стаклени врати.
„Ова е застрашувачко. Јас сум член веќе 50 години и никогаш не сум видел нешто слично. Силата на водата беше неверојатна“, изјави генералниот директор на клубот, Боб Тејт, додавајќи дека се оштетени 15-ина стаклени панели на палубата на базенот, како и подот и ѕидните тела.
На плажата Кронула бранови високи четири метри ги оштетија пешачката патека и електричната инфраструктура, изјави спасителот Стив Винер.
Властите предупредија на континуирани опасни временски услови, вклучително и тешка ерозија на крајбрежјето и можна дополнителна штета од регионот Илавара јужно од Сиднеј до регионот Хантер на север.
Текстот (Видео) Силни бранови го погодија Сиднеј: „Никогаш не сум видел такво нешто“ е превземен од МАКФАКС.
Би можело да ве интересира
Украински функционер: Испративме илјадници војници во Курск, ова се нашите три цели
Братот на осомничениот за убиството на малата Данка починал од насилство, а не од природна смрт, пишуваат медиуми
Норвешка ја одложи одлуката за вакцината на „Астра зенека“
Стејт департментот ги предупреди Американците да не патуваат во Црна Гора
Меркел: ЕУ е подготвена за сите сценарија со Велика Британија
Пашинјан за ситуацијата во Нагорно-Карабах: Не е можно примирје, подгответе волонтерски единици
