(Видео) Силно торнадо во Бразил откорна покриви, еден падна врз авион

Силно торнадо го погоди бразилскиот град Шапеко, во сојузната држава Санта Катарина, предизвикувајќи голема материјална штета на локалниот аеродром, кој е затворен на неодредено време. Силниот ветер откорнал покриви од повеќе објекти, а еден од нив паднал врз помал авион, пренесува Си-ен-ен Бразил.

Поради оштетувањата на патничкиот терминал, хангарите и аеродромската инфраструктура, прекинати се сите полетувања и слетувања. Надлежните ги повикаа патниците да не доаѓаат на аеродромот додека трае проценката на штетата.

Severe weather driven by a confirmed tornado struck the municipality of Chapecó in Santa Catarina, southern Brazil, generating wind gusts of up to 126 km/h (78 mph). The extreme winds severed power lines across multiple districts, ripped off metal roofing structures, and shattered glass facades at Chapecó’s Serafim Enoss Bertaso Airport, forcing civil defense authorities to suspend all flight operations indefinitely. #Brazil #SantaCatarina #Chapecó

— ConflictRadarME (@ConflictRadarME) November 5, 2026

Во моментот кога торнадото го зафатило аеродромот, авион на компанијата „Азул“ се подготвувал за полетување. Пилотите биле принудени да ја прекинат постапката поради силниот ветер и речиси целосно намалената видливост.

„На пистата сме, ништо не гледаме. Авионот силно се тресе и се поместува“, јавил екипажот до контролната кула.

🚨VEJA🚨| Câmera de segurança registra o momento exato em que tornado chega a Chapecó, em Santa Catarina, com ventos de até 126 km/h e provoca destruição na cidade. https://t.co/nxL7wfA7sJ

— FUTRIKEI (@futrikeiof) November 4, 2026

Бразилската цивилна заштита потврди дека во Санта Катарина се формирале две торнада, едно во Шапеко, а друго во Шансере. Измерени се удари на ветерот до 126 километри на час.

Невремето погодило 58 општини и оштетило 1.438 домаќинства, 86 училишта и 20 здравствени установи. Повредени се 24 лица, а последиците ги почувствувале околу 47.000 жители.

🚨 Happening in #Brazil 2026
terrifying footage captures the destructive force of a tornado at Chapecó Airport,
Fierce winds tear through the terminal area, leaving wreckage in their wake. May everyone caught in its path stay safe. 🇧🇷 https://t.co/CAQymlFL5F

— NNA (Nadia)🇩🇿 (@22NN_A) November 4, 2026

Потврден е и еден смртен случај во местото Рио Негрињо, каде што се урнала бензинска станица. Повеќе од 200 пожарникари работат на расчистување на последиците.

Метеоролозите предупредуваат дека веќе во петок навечер се очекува нов студен фронт, кој би можел да донесе дополнителни невремиња во регионот.

Текстот (Видео) Силно торнадо во Бразил откорна покриви, еден падна врз авион е превземен од МАКФАКС.