Во Србија помалку од 1.700 новозаразени со коронавирус, 20 починати

Во последните 24 часа во Србија биле тестирани 10.240 лица за коронавирусот, од кои 1.648 биле позитивни, додека починале 20 лица.

Според последните податоци на Министерството за здравство и Институтот „Батут“, има 166 пациенти на апарати за дишење во болниците низ Србија.

Досегашните корона-рекорди се: најпозитивни за еден ден – 7.999, најмногу луѓе на апарати за дишење – 353, најмногу тестирани – 22 837 и најмногу починати – 69.