пред 4 години Полицијата во пристаништето Месина, на Сицилија, заплени 30 килограми марихуана, која двајца курири се обиделе да ја прошверцуваат во возило на Брзата помош.
Полициските службеници на влезот на траектот, кој ја поврзува Сицилија со Калабрија, одлучиле да го прегледаат возилото на Брзата помош затоа што кучињата користени во операциите против наркотици биле вознемирени во близина на тоа возило.
По деталното пребарување пронашле дрога – 50 пакувања со 30 килограми марихуана, а уапсени се и двајца курири.
Според првичните информации, шверцерите верувале дека ќе ја пренесат дрогата без никаков проблем, сметајќи на вонредната состојба поради заразата со коронавирус, а полицијата претпоставувајќи дека заразено лице може да биде во автомобилот, нема да ги контролира.
Според проценките на полицијата, вредноста на запленетата дрога на пазарот е околу 300.000 евра.
Би можело да ве интересира
СЗО: Две предвремено родени бебиња починаа ноќта пред евакуацијата од Газа
Грција воведува нови мерки – се намалува работно време на рестораните и клубовите
Путин излегува од самоизолација, најпрво ќе се сретне со Ердоган
Во Индија рекорден број починати од коронавирус
Бугарските болници преполни, не можеме да се справиме со заразата велат службите
Во Србија речиси 7.000 новозаразени, 37 починати
